|
ЛОКАЛНИ ИЗБОРИ 2005
СООПШТЕНИЕ ЗА МЕДИУМИТЕ
13.03.2005, Скопје
Врз основа на извештаите добиени од 3630 набљудувачи
на МОСТ регистрирани се следните нарушувања на
изборниот процес: обиди за прокси гласање, инциденти
на неколку гласачки места и кршење на избирачки
кутии, прекини на гласањето, агитирање и растурање
на пропаганден материјал, како и користење на
упатства за гласање само на албански јазик. Како
илустрација на изнесеното ги посочуваме следните
случаи:
ИМ 2348, Моране, општина Студеничани по настаната
тепачка на гласачкото место и уфрлање на поголем
број на гласачки ливчиња во кутијата, гласањето е
прекинато.
Во општина Бутел, ИМ 2905, регистриран е упад на
повеќе лица кои искршиле 3 од 4 кутии, по што
гласањето било прекинато. Увид направила ОИК, а по
донесувањето на нови гласачки кутии гласањето ќе
продолжи.
На сите гласачки места во ОУ Братство, Тетово,
настанала масовна тепачка, во која се вклучиле и
членови на избирачките одбори. По интервенција на
полицијата, гласањето продолжило.
Во Велес, ИМ 2159 имало прекин на гласањето поради
исчезнато гласачко ливче, кое што подоцна е
пронајдено со асистенција на полицијата.
На неколку избирачки места регистрирани се прекини
во гласањето поради меѓусебни расправии и обиди за
гласање во име на друг, групно гласање, како и
непочитување на процедурата за гласање.
Според
PVT
програмата на МОСТ, одзивот на гласачите на
територијата на град Скопје до 11часот бил 12,94 %,
во 12 18,92 %, а во 13 часот изнесува 25,07%.
Најчести информации кои што ги дојавуваат граѓаните
на 080 080 080 се делење на пропагндни материјали,
агитации, за упатства на кутиите сам на албански
јазик, како и групен превоз на гласачи до
избирачките места.
# # # # #
За дополнителни информации: МОСТ тел. 02/ 32 38 426
|
