|
Четиринаесетта средба од Мобилен Парламент, Кавадарци,
дата: 28 Јули 2003
Четиринаесеттата
средба во рамките на проектот Мобилен Парламент се одржа на
28.07.2003 год. во Кавадарци, со пратеници и граѓани од ИЕ4.
Тема на средбата беше Развој на земјоделското
производство во Тиквешијата (воден потенцијал- наводнување и
откуп на земјоделски производи).
На средбата беа присутни пратениците: Г-ѓа Ана Андова
(СДСМ), Г-дин Орданчо Тасев (ВМРО ДПМНЕ) и Г-дин Љупчо
Мешков (ЛП).
Модератор на средбата беше г-дин Драган Антоновски, новинар.
Најголем дел од дискусијата беше посветен за давање на
препораки и предлози од страна на граѓаните за решавање на
проблемите со водоснабдувањето и откупот и наплатата на
земјоделските производи, посебно на грозјето. Повеќепати
беше истакната потребата од надоместување на штетите кои
поради невремето ги претрпеле виновите насади, а за кои што
проценките се веќе направени од страна на стручните лица во
соодветните служби. Прашањата кои што беа упатени до
пратениците се однесуваа на определување на минималната
загарантирана откупна цена на грозјето, а посебно беше
истакнат проблемот со ценењето на грозјето при неговиот
откуп.
Извештајот од средбата, со предлозите, ќе биде дистрибуиран
до сите 120 пратеници во Собранието на Р Македонија. Се
надеваме дека мислењата и предлозите изнесени на средбата ќе
бидат земени во предвид од пратениците при евентуалните
измени на законот.
Галерија
на слики
за превземање :
Извештај за средбата во
Кавадарци
<<<
назад
|
